Atuakkiortut
Kalaallit Atuakkiortut peqatigiiffiata atuakkiortut piginneqqaartussaanermut soqutigisaat suliaraat, ilaasortallu aqqutigalugit atuakkanik atorniartarfiit akiliutaanneersunik 10 procentimik isertitaqartarlutik.
Atuakkiortut peqatigiiffiat pillugu paasissutissat erseqqinnerusut uani takukkit: www.atuakkiortut.gl
Atuakkanik saqqummersitsisarfiit
Atuakkanik saqqummersitsisarfiit ataani allaaserineqartut atuakkanik saqqummersitsisarfiit mikinerusut arlaqarput.
Saqqummersitsisarfik Atuagkat ApS
Saqqummersitsisarfik namminersortoq mikisoq 1994-mi Atuagkat Boghandel Nuummiittumut atatillugu aallartinneqarpoq. 2005-miilli saqqumersitsisarfik atuagaarniarfimmit avissaarpoq. Saqqummersitsisarfik Kalaallit Nunaat pillugu imaluunniit Kalaallit Nunaannut attuumassuteqartunik saqqummersitsisarpoq.
Saqqummersitsisarfik Atuagkat pillugu paasissutissat erseqqinnerusut uani takukkit: www.saxo.com/dk/publisher/forlaget-atuagkat.aspx
Milik Publishing
Saqqummersitsisarfik Milik Publishing saqqumersitsisarfeeraavoq. Saqqummersitsisarfimmit meeqqanut atuakkat pitsaasut oqaluttualiallu assigineqanngitsut saqqummersinneqarnissaat salliutinneqarpoq.
Milik Publishing pillugu paasissutissat erseqqinnerusut uani takukkit: www.milik.gl
Ilinniusiorfik Ilinniusianik saqqummersitsisarfik
Ilinniusiorfik Ilinniusianik saqqummersitsisarfik Namminersorlutik Oqartussat ilinniusianik saqqummersitsisarfiutigaat.
Saqqummersitsisarfik ilinniartitsissutissanik kalaallisut danskisullu meeqqat atuarfianni killeqartumillu gymnasiami, sulinermik ilinniarfinni Ilinniarfissuarmilu atugassanik saqqummersitsisarpoq.
Ilinniusiorfik pillugu paasissutissat annertunerusut nittartakkami uani takusinnaavatit: www.ilinniusiorfik.gl